تۆ لە کام جۆرەی فرۆشیاریت؟ هەموو فرۆشیارەکان پۆلێن دەکرێنە سەر پێنج گروپ:
زەحمەتکێشەکان: ئەم کەسانە پەیوەندی زیاتر دروستدەکەن و کڕیاری زیاتر دەناسن و ئۆفەری زیاتر دەدەن بە کڕیار لە چاو فرۆشیارەکانی تر.
پەیوەندیکەران: ئەم کەسانە کاردەکەن بۆ چارەسەرکردنی پێداویستی کڕیاران. بۆ ئەوان پەیوەندی پتەو لە هەموو شتێک گرنگترە.
چاونەترسەکان: متمانەیان بەخۆیان هەیە و شتەکان بە شێوازی خۆیان ئەنجام دەدەن.
چارەسەرکەران: ڕۆحی خزمەتگوزاریی کڕیارانیان هەیە. بۆ ئەوان هیچ شتێک لەوە گرنگتر نییە کە ئەو کارانە ئەنجام بدەن کە کڕیار دڵخۆش بکات.
تەحەدداکەران: هەموو ئەو زانیارییانەی هەیە لەسەر کار و پیشە و حەز و ویستی کڕیاران بەدەستیدەهێنن و بەکاریدەهێنن بۆ ئەوەی خۆیان بەرەوپێش ببەن بۆ گرتنەبەری ڕێوشوێنی کاریگەرتر.
فرۆشیارانی تەحەددا دیدگای ناوازە و نوێ بۆ کڕیارەکان دروستدەکەن. زۆر بە باشی کار لەگەڵ ئەو کڕیارانە دەکەن کە دڵنیا نین و دوودڵن لە کڕین. هەروەها دەتوانن بە ئاسانی باس لە پرسە داراییەکان بکەن و لێهاتوون لە چارەسەرکردنی نیگەرانییە داراییەکانی کڕیارەکان. ئەوان دەزانن چ شتێک بەنرخە بۆ کڕیار. فرۆشیارانی تەحەددا لە فرۆشیارەکانی تر باشترن.
ئەوان سێ تایبەتمەندی سەرەکییان هەیە:
1-دەتوانن شتانی نوێ و بەنرخ فێربن دەربارەی بازاڕ و کڕیار، چونکە زانیاریی تایبەت و وردیان هەیە لەسەر کڕیاران و دەتوانن گفتوگۆ و دانوستانێکی بنیاتنەریان لەگەڵدا بکەن.
2-دەتوانن خزمەتگوزارییەکان بەپێی خواستی خۆیان دابنێن، چونکە دەزانن لە ڕوانگەی کڕیارەوە چی بەنرخە. ئەوان دەزانن چۆن قایلکەرانە قسە بکەن لەگەڵ کڕیارە ئەگەرییەکان.
3-دەتوانن کۆنترۆڵی فرۆشتن بکەن چونکە ناترسن لە تەحەداکردن و دروستکردنی فشار بۆ داخستنی فرۆشەکە.
ئەو فرۆشیارانەی هەمیشە ئامادەی تەحەدداکردنن، فرۆشیان زیاترە و کڕیار زیاتر حەزی بە کڕینە لەو فرۆشیارانە، چونکە وا بیردەکەنەوە کە ئەو فرۆشیارە گرنگیی بە گیرفانیان نادات، ئەمەش دەبێتە هۆی ڕاکێشانی کڕیار و دروستبوونی فرۆش.
ئێستاش لەخۆت بپرسە: ئایا تۆ فرۆشیارێکی تەحەدداکەریت؟ یان ئامادەیت ببیتە فرۆشیارێکی تەحەدداکەر؟
داواکردنی کتێبەکانمان
ئامادەکردن: ستافی کارسازی شادمان