فرۆشتن هونەرێکی وردە، پێویستی بە شارەزایی و ئەزموون هەیە، بەڵام تەنانەت باشترین فرۆشیارانیش لە کاتێکدا دەکەونە ناو هەندێک بارودۆخ کە کاریگەری نەرێنی لەسەر ئەنجامەکانیان دەبێت. ناسینی ئەم هەڵانە یەکەم هەنگاوە بۆ دوور کەوتنەوەیان و باشترکردنی توانامان لە فرۆشدا.
لەم مەقالەیەدا باس لە ١٠ لەو هەڵە باوەکانی فرۆشیاران دەکەین:
١. زۆر قسەکردن و کەم گوێگرتن: یەکێک لە باوترین هەڵەکان ئەوەیە کە فرۆشیاران زۆر قسە دەکەن و کەم گوێ دەگرن. هەندێک فرۆشیار وا دەزانن کە دەبێت بەردەوام باسی بەرهەمەکە بکەن و هەموو تایبەتمەندییەکانی باس بکەن، بەڵام لە ڕاستیدا کڕیاران دەیانەوێت گوێیان لێ بگیرێت. کاتێک فرۆشیارێک زۆر قسە دەکات، دەرفەتی گوێگرتن و تێگەیشتن لە پێداویستییەکانی ڕاستەقینەی کڕیار لەدەست دەدات. گوێگرتن دوو هێندەی قسەکردن گرنگە لە فرۆشدا.
٢. جەختکردنەوە لەسەر تایبەتمەندییەکان نەک سوودەکان: هەڵەیەکی تری باو ئەوەیە کە فرۆشیاران زۆر سەرنجیان لەسەر تایبەتمەندییەکانی تەکنیکی بەرهەمەکەیە نەک لەسەر ئەو سوودانەی کە بۆ کڕیار دەیهێنێت. کڕیاران بۆیان گرنگ نییە کە بەرهەمێک چەند تایبەتمەندی تەکنیکی هەیە، بەڵکو دەیانەوێت بزانن ئەم بەرهەمە چۆن ژیانیان ئاسانتر دەکات، چ کێشەیەک چارەسەر دەکات یان چ سوودێکی بۆیان دەبێت. فرۆشیاری شارەزا دەتوانێت تایبەتمەندییەکان بگۆڕێت بۆ سوودی کاریگەر.
٣. نەبوونی ئامادەیی پێویست: هەندێک فرۆشیار بەبێ ئەوەی ئامادەکاری تەواو بۆ پڕۆسەکە بکەن دەچن و ڕووبەڕووی کڕیار دەبنەوە. نەبوونی زانیاری ورد لەسەر بەرهەمەکە، نەبوونی زانیاری لەسەر کڕیار یان کۆمپانیاکەمان، یان نەبوونی زانیاری سەبارەت بە شتی پێویست لە بازاڕەکە، هەموویان دەبنە هۆی لاواز کردنی متمانەی کڕیار. ئامادەیی باش بناغەی سەرکەوتنە لە هەر ڕووبەڕووبونەوەیەک لەگەڵ کڕیار لە فرۆشدا.
٤. بە هەند وەرنەگرتنی پرسیارەکانی کڕیار: کاتێک کڕیارێک پرسیار دەکات یان دوودڵی دەردەبڕێت، هەندێک فرۆشیار ئەم پرسیارانە پشتگوێ دەخەن یان هەوڵ دەدەن بە خێرایی تێپەڕی بکەن و کاڵاکە بە کڕیارەکە بفرۆشن. ئەمەش هەڵەیەکی گەورەیە چونکە پرسیارەکان زۆرجار نیشانەی نیگەرانییە ڕاستەقینەکانی کڕیارن کە پێویستە بە وردی چارەسەر بکرێن. بە هەند وەرنەگرتن ئەم پرسیارانە وا دەکات کڕیار هەست بکات پشتگوێخراوە و بڕیاری کڕینی کەم دەبێتەوە.
٥. سەرخستنە سەر کڕیار تا زوو کڕینەکەی بکات: یەکێکە لە خراپترین هەڵەکان کە فرۆشیارێک دەتوانێت بەرامبەر كڕیارێک بیکات. ئەم ڕەفتارە متمانە ناهێڵێت و کڕیار [ هەست بە نائارامی دەکات. کڕیاران دەیانەوێت هەست بە ئازادی بکەن لە بڕیاردان، نەک هەست بە فشارکردن بکەن. فرۆشیاری شارەزا ڕێنمایی و زانیاری پێشکەش دەکات و دەهێڵێت کڕیار بڕیاری خۆی بدات.
٦. بەڵیندان و بەجێ نەگەیاندنی بەڵێنەکان: هەندێک فرۆشیار لە هەوڵی دەستکەوتنی مامەڵەدا بەڵێنی شتێک دەدەن کە ناتوانن جێبەجێی بکەن. ئەمەش دواتر دەبێتە کێشەیەکی گەورە و متمانەی کڕیار بە تەواوی لەدەست دەدەن. پێویستە فرۆشیار ڕاستگۆ و ڕوون بێت لەسەر ئەوەی دەتوانێت پێشکەشی بکات و ئەوەی ناتوانرێت پێشکەشی بکات.
٧. نەبوونی بەدواداچوون: هەندێک فرۆشیار بەدواداچوونی گونجاو ناکەن. ئەمەش دەرفەتی زۆر لەدەست فرۆشیار دەدات چونکە زۆربەی مامەڵەکان پێویستیان بە چەند بەدواداچوونێک هەیە بۆ تەواوکردن. نەبوونی بەدواداچوون نیشانەیەکە بۆ ئەوەی خەمی کڕیارت نییە یان بەرپرسیارانە کار ناکەیت. بەدواداچوونی ڕێکوپێک و بەنرخ دەتوانێت جیاوازی گەورە درووست بکات.
٨. نەبوونی متمانە بەخۆبوون: متمانەی کڕیار بە تەواوی لەدەست دەدات. ئەگەر فرۆشیارێک دڵنیا نەبێت لە زانیارییەکان یان نەتوانێت بە متمانەوە قسە بکات لەسەر بەرهەمەکە، کڕیار ناتوانێت متمانە بکات و کڕین بکات. متمانە بە خۆت و زانیاریت پێویستە بۆ دروستکردنی متمانە لای کڕیار.
٩. نەکردنی پرسیاری ڕاست: هەندێک فرۆشیار پرسیار ناکەن یان تەنها پرسیاری گشتی دەکەن. بەبێ پرسیاری ورد و دیاریکراو، ناتوانن تێبگەن لە پێداویستی ڕاستەقینەی کڕیار و ناتوانن چارەسەری گونجاو پێشکەش بکەن. پرسیاری باش ڕێگا بە فرۆشیار دەدات زانیاری گرنگ کۆبکاتەوە و چارەسەری تایبەتمەند پێشکەش بکات.
١٠. بە کەم سێرکردنی کڕیار، درەنگکەوتن بۆ پێشوازی لە کڕیارەکە، بەجێنەگەیاندنی بەڵێنەکان، یان پشتگوێخستنی کڕیار، هەموویان نیشانەی ڕێزنەگرتنن. کڕیاران کاتیان بەنرخە و ڕێزگرتن لە کاتیان بەشێکە لە خزمەتگوزاری باش.
کۆتایی:
دوورکەوتنەوە لەم هەڵانە دەتوانێت بە شێوەیەکی بەرچاو توانای فرۆش کردن باشتر بکات. گرنگە فرۆشیاران بەردەوام هەڵسەنگاندنی خۆیان بکەن، بەردەوام لە فێربووندا بن، و ئامادە بن بۆ گۆڕانکاری و باشترکردنی ڕێگاکانیان بۆ زیادکردنی فرۆش. بەم شێوەیە دەتوانن پەیوەندی باشتر لەگەڵ کڕیاراندا درووست بکەن و ئەنجامی باشتر لە فرۆشدا بەدەست بهێنن.