چوار ئامۆژگاری بۆ دابینکردن

چوار ئامۆژگاری بۆ دابینکردنی بەرهەم
یەکەم: ئەگەر پێویستبوو کۆمەڵەیی بەرهەمەکانت بگۆڕە.
(کۆمپانیای نۆکیا) پێش درووستکردنی مۆبایل، جزمەی کرێکاری دروستدەکرد، هەروەها بەرهەمیتر وەک کلێنسی هەبوو.
(کۆمپانیای هاینس) سرکەی درووستدەکرد، بەڵام کاتێک زانی زۆرینەی کڕیارەکان سرکە بۆ درووستکردنی ساس بەکاردەهێنن، خۆی دەستیکردن بە درووسکردنی ساس و بوویە یەکەمین کۆمپانیای دروستکردنی ساس لە دنیادا.
ڕەنگە ئێمە بزنسێکمان هەبێت و نەتوانین بە ئاسانی بەرهەمەکەمان بگۆڕین، بەڵام سەرنجی ئەوەبدەن کە هەندێک لە بەرهەمەکان تەمەنیان هەیە و ڕەنگە پێویست بێت پێش تەواوبوونی تەمەنیان وازیان لێبهێنین و بچین بۆ بەرهەمی نوێ.
بۆ نموونە:
ئەمڕۆ خەڵکانێکی کەم ئامادەن (سی.دی) بکڕن، لە کاتێکدا لە ڕابردوودا زۆر بەکاردەهات.
کەوایە هەوڵ مەدە لایەنگریت بۆ ئەو بەرهەمانە هەبێت کە خەریکە لەناودەچن. ڕەنگە پێویست بێت ساڵی جارێک بیربکەیتەوە: ئایا پێویستدەکات گۆڕانکاری لە بەرهەمەکەتدا دروستبکەیت یان نا.

دووەم: ئاسانی بەکارهێنان
هەمیشە بەدوای ئەو بەرهەمانەوەبن، کە بەکارهێنانیان ئاسانترە بەراورد بە هاوشێوەکانیان. سادەیی لە بەرهەم و خزمەتگوزارییەکاندا، گرنگییەکی زۆری هەیە. کە ڕەنگە سەرنجمان نەدابێت.

سێیەم: وابەستەی یەک دابینکەر مەبن
ئەگەر بەرهەمەکانت دەکڕیت تا بیانفرۆشیت، هەمیشە بەدوای دابینکەری نوێوەبن. هەوڵبدە زیاد لە یەک کەس هەبێت کە تۆ شتەکانتی لێبکڕیت. تەنانەت ئەگەر کەسی دووەم کەمێکیش گرانتر بفرۆشێت. تا لە کاتی پێویستدا بتوانیت بەرهەمەکانت لای ئەوەوە دابین بکەیت.

چوارەم: کواڵیتی مەکەن بە قوربانی نرخ
دەبێت بڕیارێکی گرنگ بدەیت لەبارەی کواڵیتی بەرهەمەکانتەوە.
هەرچەندە کواڵیتی زیاتربێت، نرخیش زیاتردەبێت.
وادابنێن کۆمپانیایەکمان هەیە کە کاری پاککردنەوە قادرمەی شوقەکان ئەنجامدەدات. بۆ ئەوەی کواڵیتیمان بەرزتربێت، پێویستمان بە کرێکارێکە کە زۆر هەستیاربێت بۆ پاکوخاوێنی. بە دڵنیایش پارەی زیاترمان لێوەردەگرن.
هەروەها دەبێت شامپۆی کواڵیتی بەرزتر بەکاربهێنین، دوای پاککردنەوە دەبێت بۆنی خۆش بەکاربهێنین، تا بۆنی شامپۆکانی شۆرین نەمێنێتەوە لە ڕاڕەوەکاندا.
دیارە ئەگەر کارەکەمان بەوجۆرە باشبێت، نرخێکی زیاتر وەردەگرین لە کڕیارەکانمان.
دەبێت بڕیاربدەیت کە بەرهەمەکەت ئاسایی و هەرزانتربێت، یان کواڵیتی بەرز و گرانتر؟ هەر شێوەیەکیان کڕیاری خۆیانیان هەیە.