زەحمەتە گوزارشت لە گرنگی گۆڕینی بیرکردنەوە بکەین. بیرکردنەوەی باش سەرچاوەی هەموو ئەنجامێکە (درووستکردنی داهات، چارەسەرکردنی کێشەکان و دروستکردنی دەرفەت، ڕزگاربوون لە گرفت). هەموو ئەمانە لە بیرکردنەوەی باش و هەستی ئاسوودەییەوە درووستدەبێت، بەپێچەوانەشەوە بیرکردنەوەی خراپ چەندین هەستی ناخۆش و دوودڵیتان بۆ دەهێنێت. ئەمڕۆ باسی ٤ ڕێگا دەکەین بۆ نەهێشتنی بیرکردنەوە نەرێنییەکان.
1- مێشکت بە فێربوونەوە سەرقاڵ بکە
مرۆڤە زیرەکەکان هەمیشە بەدوای فێربوونەوەن. هەمیشە بەدوای ڕێگایەکدا دەگەڕێن بۆ دەستپێکردنی ئەم پرۆسەیە. کتێب بخوێنەرەوە و گوێ لە ڤیدیۆی ئەو کەسانە بگرە کە لە هەمان بوارەکەی تۆدا قسە دەکەن.
2- بارودۆخ و ژینگەیەکی باش هەڵبژێرە
بۆ ئەوەی ببیتە کەسێکی خاوەن بیرکردنەوە، ژینگەیەکی گونجاو و ئارام و دوور لە جەنجاڵی بۆخۆت بڕەخسێنە. تا ڕووداوە ناخۆشەکانی چواردەورت کاریگەرییان لەسەر بیرکردنەوەکانت نەبێت.
3– هەستەکانت کۆنتڕۆڵ بکە
هەڵەیە گەر وابزانیت هەستەکانت دەتوانن هاوکاریت بکەن لە بیرکردنەوەی درووستدا. چونکە ناتوانیت چاوەڕێی ئەوە بکەیت کە ئارەزووی بیرکردنەوە لە خۆتدا سەرهەڵبدات. هەستەکانت هەرگیز حەز بە بیرکردنەوە و ماندووبوون ناکەن.
4- بیرکردنەوە باشەکانت زیاد بکە
تەنها بە بیرکردنەوەیەکی باش ناتوانیت سەرکەوتوو بیت. چونکە کێشەکانی ژیان هەمەجۆر و ئاڵۆزن، یەک بیرکردنەوەی باش نابێتە چارەسەر بۆ هەموو کێشەکانت.
بەو هیوایەی هەمووان دووربن لە کێشە و گرفتەکانی ژیان.
ئامادەکردن: ستافی کارسازی شادمان
داواکردنی کتێبەکانمان
تۆ ڕاهێنەری پئم باشە تمرین دابنێیی ڕاهێنان دابنێیی چارەسەر دابنێییی لەگەڵ بابەتەکانت
سوپاس بۆ بۆچوونەکەتان کاک نەورۆز💙